Tolosaldeko Hitza

Iaz bezala, Patxi Urizar billabonatarrak eta Nerea Amilibia zizurkildarrak irabazi dute Santamaña Krosa. Urizarrek 28’04’’-ko denbora egin du eta Amilibiak 34’40’’-koa. Ezin izan dute probaren markak hautsi. Gizonezkoetan bigarrena Josu Arregi (28’04’’) eta hirugarrena Emilio Garcia (28’32’’) izan dira. Emakumezkoetan Romy Mey (35’12’’) bigarren eta Paki Lizaso (35’39’’) hirugarren izan dira.

Zazpigarren aldia da krosa antolatzen dutela eta aurtengoan 92 parte-hartzaile aritu dira, horietatik 10 emakumezkoak. Probaren ondoren hamaiketako eman zen eta parte-hartzaileek hainbat produkturen zozketan parte hartu zuten.
Nerea Amilibia zizurkildarrak ez zuen uste irabazterik izango zuenik, Romy Mey alemaniarra azkar hasi baitzuen krosa. «Aurretik izan nuen, 150 metroko abantaila zuen», azaldu du. Halere, aldapa gora hasi zirenean, Amilibia gerturatzen hasi zen. «Nirea mendia da. Hor aurrea hartu nion». Amilibiak marka haustea nahi zuen aurten. «Sentzazio onak nituen, eta saiatu nintzen. Baina ez dut uste nik marka hausterik izango dudanik".